Besit en behoort

Dis herfs hier in Münster. Dit is seker die mooiste herfs wat ek al in my lewe beleef het – wel, ek kan darem nie heeltemal dit sê nie. Dit bly beeldskoon. Die blare is in allerhande kleure (ek kan dit nie goed genoeg beskryf nie; maar ek kan ten minste die verskil sien!); die reën val baie liggies soos motreën wat nie heeltemal kan besluit watter kant toe dit waai nie, en dit is net warm genoeg om nie koud te wees nie.

Tussen hierdie herfs – wat ook ‘n herfs in my lewe is – kry ek baie kans om te dink. Een van die goed waaraan ek vandag gedink het, te midde van hierdie natuurprag, is Afrika. Hoe ek graag Afrika vir hierdie mense wil wys; want hierdie plek is getem. Dis mooi, ja, maar elke hoekie en draaitjie is ‘n tuin, ‘n stuk bewerkde aarde.

Ek het gedink aan hoe ek “ons” wilde natuur en diere aan hulle wil wys. Tot die besef in my kop kom draai – dis nie “ons” natuur nie. Dit behoort nie aan my nie, en eintlik ook nie aan die ander mense van Afrika nie. Dis dalk wat baie van ons verkeerd het.

Of dit willekeurig of onwillekeurig gebeur het, kan ek nie meer sê nie. Hoe dit ookal sy, ek besit nie Afrika nie. Ek behoort aan Afrika.

One Response to Besit en behoort

  1. Ferdie sê:

    dit was lekker om vinnig met jou te gesels noudie dag Ronald. Munster IS beautiful…amper so mooi soos Nijmegen…. terg jou net
    groete
    Ferdie

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: